Thursday 6 June 2019

Wee, Sleekit, Cowrin, Tim'rous Beasties

Wee, sleekit, cowrin, tim'rous beastie,
O, what a pannic's in thy breastie!
Thou need na start awa sae hasty, 
Wi' bickering brattle!
I wad be laith to rin an' chase thee, 
Wi' murd'ring pattle! 

I'm truly sorry man's dominion, 
Has broken nature's social union, 
An' justifies that ill opinion, 
Which makes thee startle 
At me, thy poor, earth-born companion, 
An' fellow-mortal! 

I doubt na, whiles, but thou may thieve; 
What then? poor beastie, thou maun live! 
A daimen icker in a thrave 
'S a sma' request; 
I'll get a blessin wi' the lave, 
An' never miss't! 

Thy wee bit housie, too, in ruin! 
It's silly wa's the win's are strewin! 
An' naething, now, to big a new ane, 
O' foggage green! 
An' bleak December's winds ensuin, 
Baith snell an' keen! 

Thou saw the fields laid bare an' waste, 
An' weary winter comin fast, 
An' cozie here, beneath the blast, 
Thou thought to dwell- 
Till crash! the cruel coulter past 
Out thro' thy cell. 

Thy wee bit heap o' leaves an' stibble, 
Has cost thee mony a weary nibble! 
Now thou's turn'd out, for a' thy trouble, 
But house or hald, 
To thole the winter's sleety dribble, 
An' cranreuch cauld! 

But, Mousie, thou art no thy-lane, 
In proving foresight may be vain; 
The best-laid schemes o' mice an' men 
Gang aft agley, 
An' lea'e us nought but grief an' pain, 
For promis'd joy! 

Still thou art blest, compar'd wi' me 
The present only toucheth thee: 
But, Och! I backward cast my e'e. 
On prospects drear! 
An' forward, tho' I canna see, 
I guess an' fear!

ROBERT BURNS "To A Mouse" (1785)


          Well that ups the ante somewhat. Let's see how that works out for █████ then.


________________________________________________________________________________
________________________________________________________________________________ 

If you have any information to contribute to Football is Fixed, please contact Ojo del Toro in complete confidence via Direct Message @footballisfixed. You can do so anonymously, but if you use your real name you can rest assured that this website operates a blanket policy of non-disclosure and does not cooperate with requests for details from the authorities or individuals.

Football is Fixed operate as a cellular network. We use the Iceberg Effect. We release 5% of our analytics and any hacks made available to us. We retain 95% for strategic defence, constructive negotiation, court. In extremis, we recuse ourselves and operatives will ensure full publication of the relevant information in numerous territories.
_______________________________________________________________________________________________________________

© Football is Fixed 2006-2019
________________________________________________________________________________________